İlk yaz ayınıñ 27-ne keçken gecesi Rusiye ordusı Ukrayinağa 371 ava ücüm vastası ile ücüm etti: 363 uçucısız uçaq (Şahed tipindeki ücüm dronları ve farqlı tipte olğan dron-imitatorlar), olarnıñ bir qısmı Qırımdaki Sarabur qasabasından endirildi, em de eki X-47 M2 "Kinjal" ve altı "Kalibr" aeroballistik raketalar ile ücüm etildi, dep bildirdi Ukrayina Arbiy Silâlı Quvetleriniñ Ava quvetleri.
Arbiylerniñ qayd etkenine köre, ücümniñ esas yönelişi Hmelnıtsk vilâyetiniñ Starokonstantinov şeeri edi.
Ukrayina Silâlı quvetleriniñ Ava quvetleriniñ malümatına köre, üç yer uruldı, sekiz yerde ise parçalar tüşti.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, tınç ealini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
